ஒன்னு தொட்டய்யன்.
ஒன்னு தொட்டய்யன் வாழ்த்து.
அம்மா ஒன்னுத் தாயம்மா!
அய்யா தொட்டன் துணையம்மா!
உழைக்கும் குலத்தின் தேவியே!
பிழைக்கும் வழியும் செய்யுமே!
ஆயர் பாடித் தெய்வமே!
அழைத்துத் துதியும் செய்வோமே!
ஆவாய் எம்மைக் காத்துமே!
அருள வேண்டும் தீர்க்கமே!
கொல்லம் பரும்பு தேவியே!
கோவில் கொண்ட தேவதையே!
கம்மாக் கரையதன் மேலேயே!
காட்சி தருகின்ற தீமகளே!
இலந்தை முள்ளுக் கோட்டையே!
எழுப்பக் கேட்ட காவிரியே!,
வளரும் தமிழிந்த நாட்டையே
வாழ்விப்பாய் அம்மா வாழ்கவே!.
புல்லாங் குழலையும் ஊதுவாய்!
புதுப்புனல் நீயும் ஆக்குவாய்!
குடகு மலையின் கொடைமகளே
நடை பயின்றுவா காவிரியே!
நெருப்பில் பிறந்த தேவியே!
நீதி காக்குங் கோவியே!
வாடும் பயிரும் விளையவே
ஓடி வருவாய் காவிரியே!
உறுமிமேளம் தாளம் கொட்டி,
உனதுபுகழே கானங் கட்டி
உருக நாளும் கெஞ்சுகிறோம்.
வருக அருள்க ஒன்னம்மா!
பாட்டாளி குலமிங்கு என்னாளும்
பசிவலி மறந்து வாழனும்.
கூட்டாக் கூடி ஒற்றுமையாய்
குலம்எம்மை தழைக்க வைத்திடுவாய்!.
அனுப்பர் எல்லாம் கூடுவோம்.
அம்மா அவளைப் பாடுவோம்.
அன்னை நீயே காவிரியே
அனுப்பர் குலத்தின் காவலே.
கொ.பெ.பி.அய்யா.
No comments:
Post a Comment