தலைமுறை நேத்திரமே!

தலைமுறை நேத்திரமே

தமிழ் மகள் நேத்திராவே--புது
தலை முறை நேத்திரமே--கனி
உதிர்காலம் பின்னாலே--ஏழை
எதிர்காலம் உன்னாலே.

பாடு பட்ட கோடியதும்--நீ
தேடுங் கல்வி நாடியதும்--நெஞ்சம்
மூடித் தானே ஈந்தாயோ--மகளே
வாடும் வயிறு ஆய்ந்தாயோ!

கோடி கோடி சேர்த்தாலும்--பத்து
மாடி கூடி வாழ்ந்தாலும்--வேறு
பெருமை உண்டோ பிறந்ததில்--ஏழை
திருமை கண்டாய் நிறைந்ததில்.

மதுரை கண்ட பெருமையாம்-கொரனா
எதிர்க்க நின்ற சிறுமியாம்--பல
இலட்சம் என்ன நிச்சயம்--கருணை
உச்சம் கொண்டாய் இலட்சியம்.

முடி திருத்தும் தொழிலாளி--மனிதம்
படி உயர்த்தும் முதலாளி--நல்ல
தந்தை மோகன் பேராள--உந்தன்
சிந்தை தாகம் தமிழ்கூறும்.

தமிழாள பிறந்த நீ--உயர்
தமிழர்கு அமுதம் நீ--காலம்
ஏங்குகிற வாழ்வு நீ--புகழ்
ஓங்கிநீள வாழ்க நீ.

(பொருள்:-நேத்திரம் --கண்)

கொ.பெ.பி.அய்யா.

மாலையம்மாள் துதி.

மாலையம்மாள் துதி

மேலக் கல்லூரணி,
வாழுந் தெய்வம்,
இகடோர் வம்சம் தேவியே!
சரணம் தாயே :
மாலையம்மா.
போற்றி போற்றி.

கவுண்டன் பட்டி,
கவுண்டர் குலத்தின்,
மகளே தாயே இகடோளே!
சரணம் தாயே
மாலையம்மா;
போற்றி போற்றி.

மாமன் உயிரில்,
தாமெனக் கலந்த,
சேமமனுப்பர் புகழே! பெருவே!
சரணம் தாயே ;
மாலையம்மா:
போற்றி போற்றி.

அனுப்பர் தெய்வம்,
ஒன்னம்மா பக்தை.
அவள்வழிக் கற்புக் கரசியே
சரணம் தாயே ;
மாலையம்மா:
போற்றி போற்றி.

வீர பைய்யி ,
சின்னு பைய்யி,
ஓருருவான சக்தியின் வடிவே!
சரணம் தாயே ;
மாலையம்மா
போற்றி போற்றி.

அக்கினித் தேவி,
சக்தியின் கோவி;
முக்தியருளே பக்தர் புலனே!
சரணம் தாயே ;
மாலையம்மா:
போற்றி போற்றி.

கற்பின் தெய்வம்,
கண்ணகி அம்சம்,
பொற்பதம் உனது தஞ்சமே!
சரணம் தாயே;
மாலையம்மா:
போற்றி போற்றி.

அனுப்பர் நலமே,
அணையா விளக்கே,
வினைதீர் ஒளியே நம்பகமே!
சரணம் தாயே;
மாலையம்மா:
போற்றி போற்றி.

வளையல் வணிகர்,
வாய் மொழி பேசி,
வளையல் படைத்த வரலாறே!
சரணம் தாயே ;
மாலையம்மா:
போற்றி போற்றி.

கம்மங் காடு,
காவல் காத்து,
கள்வனை விரட்டிய அரணே!
சரணம் தாயே ;
மாலையம்மா:
போற்றி போற்றி.

வைகாசி விசாகம்,
சிவ மகன் திருநாள்,
வைகுண்ட வாசம் மேவினை நீ!
சரணம் தாயே ;
மாலையம்மா:
போற்றி போற்றி.

விசாக நாளில்,
வருசமும் விழாவில்,
குருபூசைத் திருநாள் புண்ணியமே!
சரணம் தாயே ;
மாலையம்மா:
போற்றி போற்றி.

சோம வாரம்,
கோமள வல்லி
பூமி மலர்ந்த வாசுகி நீயே:
சரணம் தாயே ;
மாலையம்மா:
போற்றி போற்றி.

திங்கள் தினத்தில்,
மங்கையர் பிறப்பின்,
மங்கள நிகழ்வின் மலர்ப்பூசை:
சரணம் தாயே ;
மாலையம்மா:
போற்றி போற்றி.

அனுப்பர் வம்சம்,
இனப்புகழ் அம்சம்,
கனப்பெரும் திருவே அருளே!
சரணம் தாயே ;
மாலையம்மா:
போற்றி போற்றி.

அனுப்பர் நாடும்,
ஆலயம் கூடும்,
இனப்பெரும் பெருமை திருவேநீ:
சரணம் தாயே ;
மாலையம்மா:
போற்றி போற்றி.

சரணம் சரணம்,
சர்வம் சரணம்,
வரமும் அருளும் கருணைநீ:
சரணம் தாயே ;
மாலையம்மா:
போற்றி போற்றி.

கொ.பெ.பி.அய்யா.

ஒன்னம்மா சரணம்.

ஒன்னம்மா சரணம்

அம்மா ஒன்னம்மா 

அனுப்பரின் கம்பளம்

வணங்கும் தாயே 

வாழ்த்தொலி சரணம்.

அய்யன் தொட்டய்யன் இல்லத்தரசி

குலத்தாள் ஒன்னம்மா சரணம்.

சிந்து நதியின் முந்திய நாகரிகம் ,
இந்து சமூகம் கண்டவள் சரணம்.
கன்னடம் கடந்து தெலுங்கும் ஆண்டு
கம்பளம் பெருமை ஒன்னம்மா சரணம்.

சைவம் தேர்ந்த வைணவக் காப்பே!
தெய்வம் வாழ்ந்த திருமதி சரணம்.
இரத்தம் ஓடிய கிழக்காறு மாற்றம்,
அருந்தத் திருத்திய ஒன்னம்மா சரணம்..

அட்டிகள் அமர்த்தும் பட்டியர் தெய்வம்.
கெட்டியர் அனுப்பர் மெட்டியாள் சரணம்.
தட்டிக் கோர்த்த இலந்தையின் கோட்டை
கட்டிய அரணின் ஒன்னம்மா சரணம்.

கற்பின் வடிவம் கவுண்டார் கர்வம்.
கொற்றவை சொருபம் சர்வம் சரணம்.
பற்றும் பக்தியும் சக்தியும் அரணாம்.
எட்டும் யுக்தியாம் ஒன்னம்மாள் சரணம்.

நெருப்பில் உதித்த அற்புதம் ஒன்னம்மா
பிறப்பில் அனுப்பாள் பொற்பதம் சரணம்.
தழலில் எழுந்த உழவனின் மகளே
நிழலடி உனது கழலடி சரணம்.

அக்கினிக் குண்டம் அடையாளம் நீயே!
சுற்றித் தீபாய்ந்த பத்தினி சரணம்.
அப்பழுக் கில்லா அனுப்பரின் வாழ்வே!
ஒப்பொழுக் காண்ட ஒன்னம்மா சரணம்.

அக்கினிக் குதிரை அம்மாவின் வாகனம்,
பத்தினித் தெய்வம் பாதங்கள் சரணம்.
வானவர் உறுமி வாழ்த்தொலி முழக்கம்,
மானவர் அனுப்பர் ஒன்னம்மா சரணம்.

கொ.பெ.பி.அய்யா.